之前哲哲對這個切切切沒有興趣

早兩天又拿出來引哲哲玩了一次笑到卡卡聲後

每天都要切幾篇才過癮

(連帶煮飯仔也因這個切切切而不再是擺設品)

熟能生巧

由之前連刀都不懂得拿, 不知如何入手

(當時自己貪平, 失策第一次就買了個咁細 size咁難揸手) 

到今天總算不用幫手可以自己一個一個切

見哲哲切得有紋有路

開始給香蕉哲哲自己切

實戰果然難倒哲哲

看哲哲有點吃力去操控重甸甸的刀子

又拿不穩滑滑的香蕉

不過勝在敢嘗試

哲哲由之前自己去掉蕉皮棒著的吃

到現在一手包辦切完自己拮來吃又放回碟子到廚房

下次可以再加難度要哲哲自己洗碟子

實行 ralph所說的日常生活練習

成堂哲哲都玩得好自在好開心

中途哲哲專心工作時有位姐姐冷不防搶哲哲正在工作的玩具

把哲哲從椅子上推倒了

哲哲失平衡成個人跌落地 

個額頭即時腫得好厲害

(第二天才發覺原來連鼻樑及左眼也撞到腫左, 瘀黑埋...足足幾日先散)

嚇到 daisy同 ralph即刻找人幫哲哲敷冰袋

相信哲哲應該很痛

之後成堂都不停喊不肯再落地埋位工作

要我抱到實一實 

今堂完全沒有機會分享及問 daisy問題

幸好放學時 daisy用了下一班的時間和我說回哲哲的情況:

daisy第一句就讚哲哲的進步比佢預期中快得多, 最明顯是跑的時間少了很多, 步速慢了, 自然會慢慢行去揀工作做, 以一歲九個月來說, 哲哲同同年齡的小朋友差距縮短了, 目標...不是遙不可及追不到呢~

daisy和 ralph亦有關心哲哲上治療的情況, 我說哲哲最近幾堂都不聽指示, 經常媽波功口又叫媽媽, 做什麼去哪兒都要媽媽, 很頭痛. daisy說近期哲哲依附較多是因為多事端, 特別要上治療, 因為我是唯一他熟知的, 對著陌生人, 在陌生環境做陌生的事是很難. 談到有關肢體動作方面, daisy說可以在 ikea買轉轉蛋椅及吊布袋床裝在家中練習, 據 daisy說 ikea的設計師對 SI也有認識, 所以出的物品對有 SI問題的人有幫助, 假如在熟識的家入面能有這些練習, 哲哲會易於接受

平衡方面, 除了黃姑娘說多慢行斜路外, daisy說多去沙灘赤腳走能訓練哲哲的平衡, 就算冬天唔玩水也一樣可以走沙灘

當我問到哲哲最近的秩序感重了很多, 每次起床都要我開燈開風扇開電視開電腦扎頭髮之類, 漏做是但一樣都會有脾氣堅持要做 (就算解釋了冬天不再需要開風扇也一定要開), daisy建議每天逐少做漏一樣, 又或者再個次序變一變令哲哲無咁堅持做晒所有野

最後, daisy讚哲哲很爭氣, 努力追上同齡小朋友, 仲讚哲哲記性好, 見一次就知道物件之前放邊 (多堂不見, 哲哲今堂又喊足全堂, daisy係咪真係有觀察到哲哲 ga?) 上堂 miss chan chan轉述 daisy的話說哲哲可以上 renew班, 不過當我說明自己的情況後, daisy都認為上 renew班她不在場的話, 沒有指導又沒什麼意思, 加上治療那邊有些時候想問問題時黃姑娘又答不到, 可以的話最好同時上治療同這裡兩邊一起問, 於是 daisy建議我每個月找一天讓哲哲見見她, 好讓 keep住有個觀察進度, 真的要謝謝 daisy對哲哲這麼照顧

一如所料哲哲是有這方面的問題

收到報告一刻興幸自己發覺得早可以盡早治療

經黃姑娘評估

哲哲有觸覺防禦, 前庭過敏及聽覺過敏的問題

報告簡要:

專注力及活動耐力較弱, 經常轉換活動, 於評估過程中需較多提示去維持專注及參與不同的活動. 其他方面較為自我, 對環境的興趣不大及不太注意身邊所發生的事, 亦會忽略能夠引導行為的指示, 亦因為對某些刺激較為過敏, 有時會表現退縮, 情緒化及喜歡控制環境

對於觸覺及前庭覺方面我是心中有數的

倒是想不到原來哲哲的聽覺也有過敏

黃姑娘解釋得清楚一點是哲哲的耳仔不是太敏銳

有時旁人在說他, 或者隔離稍遠一點

就會意識不到旁人是在和他說話

所以很多時發覺好似叫極佢都唔聽唔應

唔識比反應咁

其實係佢唔知你同佢講緊野

建議我要慢慢搵到一個 tone係佢明白既

盡量在佢面前用佢明白既 tone同佢講野

真相大白

現在終於明白點解哲哲表面上好似正常小朋友一個但在某些行為上有點偏差

實際係內在問題影響表面行為

找出問題所在

就不像數月前徬徨哲哲是智力還是普通的遲緩

還是懷疑自己過敏太緊張了

哲哲好似慣了這個環境及黃姑娘的引導手法

開始喜歡發脾氣及成日走到門口話要走 

今堂大部份時間比哲哲主導了

黃姑娘先是要求哲哲玩重頭戲- 打鞦韆

不過哲哲完全不放眼內

不停走到治療室的另一邊要見月亮魚魚

黃姑娘見哲哲不肯打鞦韆唯有先順他的意

之後的隧道及新玩意多面鏡哲哲都不太理會 

差不多落堂前哲哲才迫於無奈踏上另一款網狀鞦韆

不過比起木板的那一款

這個哲哲害怕得多

問: 點解哲哲成日發脾氣喊走?

答: 黃姑娘說哲哲較為固執而且喜歡做主導, 知道要跟指示而不能依自己心意幾時做同做什麼, 當佢發脾氣都得不到想要的東西就變為逃避想走

問: 打鞦韆氹氹轉搖木馬同 sir滑梯等等眾多前庭覺玩意, 那一樣對小朋友來說較為難克服?

答: 絕對是打鞦韆! sir滑梯或者氹氹轉之類只得單一角度 (上下左右打圈轉), 怎也不及鞦韆玩法多, 包含的角度也廣, 所以一般治療室會投資較多資源料落鞦韆的款式, 因為只要玩到鞦韆, 基本上其他的問題都不大

問: 哲哲的平衡不好, 除了做這些治療外, 日常有什麼運動可以做?

答: 平衡感不好除了前庭感影響外, 還有可能是腿部肌肉力量不足, 可以多行斜路, 或在平路上慢行以加強腿部力量

落堂時如常哲哲不肯做按摩

黃姑娘就介紹了治療用的壓力刷給我 (售 $45)

並即時示範如何用壓力刷幫哲哲刷皮膚刷關節以減低哲哲對觸覺的防禦 

原想上淘寶或其他物理治療店鋪比較下

不過見價錢只是數十元

而且黃姑娘也說這些刷是 standard

就乾脆這裡買吧

其實我們一直都有用不同質地的刷同哲哲刷背刷手腳 (不過以往是玩的形式, 他不喜歡就停)

這個壓力刷看上去比我們以往試過不同的普通得多 

黃姑娘說表面看刷毛好似很硬, 很拮肉

不過一用力刷在手腳則完全不紅不痛, 很神奇

刷的次數隨意, 只要有時間就可刷

只要能每天刷上好幾次

特別的刷毛可以刺激深層皮膚

初步試了刷哲哲的手臂沒有太大抗拒 (腳就有點麻煩)

要每天都和哲哲勤力刷才行!

興之所致還會咬扯白豆的鼻子 

之前看過一些書知道小朋友各有自己的方式去令自己情緒安定下來

有的是啜手指

有的是要嗅陪睡的被子等等 

也許白豆對哲哲來說是鎮定劑

這天白豆的鼻子終於被哲哲咬甩了

 當哲哲知道自己咬甩了白豆的鼻子時, 樣子很是詫異, 事後很想將白豆的鼻子貼回, 不過我見白豆的鼻子已經變得霉爛就丟走了

 可憐的白豆, 原以為可以留到哲哲大個仔做留念, 可惜手被折斷了, 鼻子又滿佈哲哲的面油口水漬, 黃黃扁扁, 慘不忍睹. 哲哲不捨得丟, 每天望住沒有鼻子的白豆嘆息~

今年派對選址在迪欣湖

一大片草地真的很吸引

可惜有人聲稱昨晚已經充好電

誰知一開機得返一粒電仲要閃閃下

未等齊人已經無電要熄機...失策!

(以下部份照片多謝各位朋友仔幫我地影, 謝謝)

 我們早到了三十分鐘, 見早就邊玩邊等, 先拍個照留念先~

 迪欣湖入口有個小遊樂場, 旁邊有個音樂小噴泉, 原打算玩到咁上下先比哲哲玩水, 不過哲哲第一眼望到就要衝去玩, 結果派對未開波就由頭濕到落尾

 玩到連對鞋都扭得出水, 脫去鞋子的哲哲走來走去, 滿地腳印仔~

 又熱又曬, 襯未齊人曬一曬 d衫先

 哲哲, 果頭抺乾身換完衫, 呢頭又 lur落地玩水, 再濕無衫換啦!!!

 哲哲明顯地認得 anson, 一見到 anson就招牌式頭貼頭示好 (最新發現哲哲識叫 anson, 叫作 eatson~)

 換好衫, 朋友仔陸續到達, 白雪出動南瓜提子籃, 引到一眾小朋友爭相搶吃, 哲哲連吃數顆, 吃到提子攝埋牙縫之中~

 朋友仔黎得七七八八, 於是 jojit幫我地揀個好位 (一大片草地不在話下, 背山面海好寫意), 派對正式開始!

 一開波哲哲就周圍跑, 唔著鞋跑草地係哲哲最愛, 迪欣湖地方好大, 唔緊貼住哲哲都怕走失左. 哲哲聚精會神望緊對面湖有人撐艇仔呢~

 當日有人在這堆紫花影結婚相, 我又幫哲哲同哲爸影返張親子相先

 呢盤南瓜提子引到好多嘩鬼們爭住吃, 這天好驚喜哲哲想吃提子竟然肯同小朋友講 "比"之後仲排隊等而沒有發脾氣, 同埋為左想人地比佢食提子, 未比到手已經講定 "謝謝"搏你快 d比佢, 叻仔!

 雖然哲哲是很喜歡吃提子, 不過他絕不獨食, 之前狂餵米爺食提子, 依家就請米爺食雪糕筒

 多謝 koko送比七彩戰隊既毛毛背包, 哲哲的是白色, 好可愛好軟綿綿 (好想據為己用!)

 唔知點解我覺得呢隻魔鬼角仔好襯哲哲, 哲哲整醜樣仔整到條頸現晒青筋, 好肉緊

 呢期興 "動L", 哲爸同哲哲又 "動L"埋一份

 米爺同哲哲示範咩叫向左走, 向右走

 玩到天都黑晒, 臨走前影返張大合照先

 回程等候其他小朋友洗手時, 哲哲首先發現柱子好玩之處, 帶頭百厭作反

 bye bye各位姨姨叔叔朋友仔, 下年哈佬喂再玩過丫~~~

以往哲哲從不會坐定定超過五分鐘去玩一件玩具

一玩再玩的少之又少 (轉以外的玩具)

有次到白雪家哲哲突然玩了兩下

到最近上兒童無限親子班

眾多玩具哲哲就只坐定定玩繞珠架玩了數十分鐘 (數堂如是)

見到哲哲喜歡玩第一時間上網搜尋多彎位多不同角度的大型繞珠架 

玩繞珠架好處是可以訓練扭手腕靈活性

比較了好幾天

最後決定淘寶: 連運費 HKD60左右

起初有點怕哲哲三分鐘熱度很快不會玩

幸好直至寫文的這一刻每天都定時定侯要玩好幾次

由一粒粒珠珠到難度增加要一串串的扭上扭落

哲哲玩得越來越純熟

速度也越來越快

有時還會自言自語 "上上上上" "落落"

邊拍掌邊鼓勵自己完成一串串繞珠 

這個繞珠架唯一不好是底架不夠重 (如果彎位角度有得斜上則更好)

有時哲哲正在盤運珠珠上落時架身會移位 (又有時哲哲會出術轉個架代替轉手腕)

如果可以像兒童無限那個又重

又密又多不同彎位角度就更好了

趕得及和我們一起上課

哲哲離遠見到爸爸在大廈附近好驚喜呢~ 

今堂哲哲好專心做自己既工作

搶野既情況大減

而且肯排隊輪侯

不過成日搞個窗簾

起初就百厭狂搞

經 miss chan chan同 miss barbara反覆多次忠告之後

最後一次搞個窗係好奇點解最後一面窗貼上地圖而睇唔到出面 

miss chan chan說哲哲不是惡意

只是好奇想聽不同既聲

建議在家任由哲哲丟野比多點不同既聲佢聽

今堂小組分享都聽到幾多野 (多得哲爸睇住哲哲, 我可以專心聽書)

問: 點解哲哲成日跌?

答: 成日跌, 或許細個跌唔夠 (屋企鋪軟墊所以跌落感受唔到痛?) 所以感受唔到痛既感覺, 以前識行都冇咩機會俾佢跌，而家補番呢d學習經驗姐 (不過我唔接受呢個答案, 識哲哲出朋友都知道哲哲邊算無跌痛過?!)

問: 點解哲哲見到新玩具時第一時間要掃低晒, 兜個圈觀察一輪先再玩?

答: 對哲哲來說, ralph的建議是同時不能有太多玩具, 否則會過度刺激哲哲. 哲哲掃低晒 d玩具, 代表太多刺激哲哲受不了所以用掃晒落地既方式來表達 (當然亦有可能是觸覺過敏的哲哲接受/接觸新既事物的一種表達) 在家中如果要添置新玩具給哲哲, 不要同時間放所有新的玩具, 每次宜一件一件慢慢等哲哲適應先

又或者玩具不夠 raw, 玩法太單調, 應要不止一個玩法, 要多變但互相有關連. 對哲哲來說, 或許越少玩具越好, 可以讓哲哲從一件玩具中, 留意當中變化可以再點玩法, 從中創造. 與其買玩具, 倒不如教哲哲日常自理更好, 日常要做的事多得很, 開始時可以一個步驟做起, 之後每個步驟加上去, 令哲哲很忙碌, 要記住很多步驟及每天要做的日常事

鐘意睇轉既野, 係鐘意視覺上既效果; 鐘意丟野掃野, 係想知道物理拋物線的道理 (空間感), 可以是想聽聲音的發出, 也有可能因為大肌肉未掌握得好好, 個個小朋友不同, 有 d好快就掌握到, 有 d就要好長時間先得, 如不夠大肌肉活動只加強小肌肉的訓練 (靜態工作), 動作能力不足, 會令小朋友"想做而做不到", 產生挫折

通常歲半前先會較為鐘意丟野, 因此在家要鋪好軟墊, 而且要用不易打爛的教具比小朋友丟; 又或者在一個控制中既環境比佢丟餐飽 (如在軟墊範圍內; 一個房仔內任丟, 出左個範圍則不可)

其實仲有好多問題想問:

哲哲成日要我扎頭髮, 又怕不經意掂到我D頭髮, 咁終有日我唔會 keep住呢個髮型點好?

每次訓醒要做例牌既野: 開燈開風扇開電視開電腦, 稍一不做就發脾氣

成日要除鞋除襪, 出街唔可以隨意除, 點好?

最近變得好鐘意攝住我對腳中間企/行/爬, 係咪感官上刺激不夠?

circle time的時候 

bumble bee飛埋哲哲度第一次無走開無避

會坐定定唱晒成首仲識笑同拍手

落堂時

miss chan chan請哲哲將毛毯放回原位

哲哲也明白指示並能做到

miss chan chan說哲哲的聽覺較為弱一點

不過記性很好, 也肯玩完玩具放回原處

聽覺弱是稍遠距離或者不是望住他說話時

哲哲是不太知道別人正和他對話

所以要盡可能站近一點, 等哲哲和我有眼神接觸才說話

至於記性好

是因為很多時哲哲見過一兩次就記得放哪兒

只是有些時候力有不逮, 想幫手而不知點幫 

看到哲哲的自在及每堂的小進步

每次上堂也不會發脾氣, 還笑容滿面

好不好續堂呢?

續堂的話 daisy及 ralph不在有問題想問又沒得問

不過最大得著是不停 remind 蒙既 concept同應做的事

daisy同 ralph一講我就即時記得 (真係無記性又唔識靈活運用)

不過同時間又治療又 renew班對哲哲來說又會不會吃不消?

唔...

以往慳慳埋埋

從未試過一個月內不停接住落睇醫生食藥至少六次

由起初哲哲一見醫生就喊定先

到依家醫生看喉嚨探心口都無相干

由之前怕吃藥水反胃嘔出來

到依家吃藥丸可以灌兩三啖水就吞了

(起初哲哲不懂快吞唯有痛苦地不讓哲哲張開口, 讓藥丸慢慢溶化在舌頭, 很苦, 但阻止到哲哲不吐出來)

看來哲哲都慣了病病要吃藥的日子

可惜當黑的情況一浪接一浪

昨天哲哲在家行行下無野絆倒的情況下

四腳朝天的跌落硬磚地

剛才上堂又跌倒了

正正撞倒昨天額頭腫起的位置

唉...額頭長期瘀瘀青青起角無忽好肉

我這做娘的怎不心痛?

 隆起了的小巨蛋, 真的不想再見到你

想不到一星期後哲哲的表現大倒退!

一開門已經識路去爬 sir滑梯

完全不聽黃姑娘指示

今堂只做了睇月亮星星爬隧道

花了很多時間引哲哲也不肯打鞦韆

未夠鐘哲哲就不停扭住要走 (也許吃了藥人較為倦吧)

對於今堂既表現

黃姑娘說哲哲手腕力量一般

建議哲哲要爬多點

因為爬行對將來執筆寫字好

問題是如何令哲哲爬多點才行

一氣呵成完成整個上樓梯, 坐低, sir...重覆上樓梯坐低

能夠看到哲哲的面上終於是掛住笑容去玩

那一剎真的感動到眼濕濕

特訓活動沒有因為哲哲不再怕 sir滑梯而降溫

今天哲哲訓過午覺後

決定再遊中間道遊樂場讓哲哲玩更多更多 (最主要是有搖搖板呢~) 

 同 上次 比, 原來假日傍晚時分係好。多。人呀!!! 哲哲一去到就好示意要除安全帶, 一落車就衝上去爬以往不敢爬的直梯, 而且見到村口公園個彈珠玩意仲要回味一翻

 玩左陣哲哲覺得 d滑梯無料到, 於是走到隔離的中童遊樂場. 哲哲玩得更開心, 因為地方更大, 設置一個一個連接住更見好玩. 排左好耐隊, 先有機會玩到搖搖鞦韆, 睇個樣就知哲哲呆呆地, 坐上去唔夠五秒就趕住落地, 不過都算唔錯了, 肯自己要求坐上去已是一個小進步

 現在哲哲學懂什麼叫拍照, 有庴會企定定幾秒比你影, 有時叫他笑住影相都肯望下鏡頭, 至於對唔對得切焦有無機會影多幾張就要睇影果個人既造化啦

 玩到咁上下哲哲就食麵包補充電源

 哲哲吃麵包, 我眼睛吃萄葡~

 著襪丫唔該~

 個天黑得好快, 玩左個零鐘個天已經黑晒, 於是轉陣到玩具反斗城, 唔買野混吉都玩得一樣開心

大部份時間都應 ralph的要求

當哲哲一搶其他小朋友的玩具時

我要第一時間搶在身前制止

(哲哲的情況已不容許讓小朋友之間去解決, 而且也不想浪費兩位導師集中處理哲哲的情況)

幸好哲哲還算肯聽我的話

證明我在他心目中有一定的信任及地位~

雖然如此

小組分享時還是聽到一點點的

今堂大部份家長都問上 n1或者生多位小朋友的問題:

問: 我的女兒快兩歲了, 我正準備懷孕, 之前可以怎樣做, 令女兒較易接受有多一個弟妹呢?

答: 最理想是大女兒剛滿四歲就生第二個小朋友, 因為四歲的時候較為懂事, 少一點自我中心, 較易接受媽媽對自己的愛要和弟妹分享. bb出世前可以比個 bb公仔個小朋友玩, 教佢如何去照顧個公仔 (如餵奶, 更衣等等), 早點讓他知道 bb出世後是需要怎麼樣的樣照顧

問: 我的兒子九月開始返 n1, 每次接送學校是都哭得很厲害, 現在見到我就一定要痴實我不放又不準我上班, 可以點做?

答: 對兩歲小朋友來說是未適合上學的, 一來平時媽媽要返工已經較少時間對住, 現在還要返學, 會認為媽媽唔要佢, 對他來說, 你是他最親最痴果個人送走他, 更加唔捨得. 假如真的要送小朋友上 n1, 應該在上學前慢慢學習分離, 要設一個時間讓小朋友獨處, 好讓早點習慣媽媽不在身邊的時間

和 ralph談起哲哲手腳不太協調的問題

我是懷疑哲哲爬的階段很短而且也不算爬得很好

會不會是部份原因令哲哲看到應要爬時而不懂得如何爬 

ralph回答只要有爬過都算可以

因為有小朋友是真的跳過爬這個階段而直接跳到學行

雖然聽完仍不太相信會有小朋友完全不用爬會直接學走...

說回哲哲

對於某些用具哲哲似乎未弄懂是如何的玩

有個用具是一支支木樁本應要插到盤子裡的木桶

不過哲哲只拿走個木桶玩

完全不知道要將木樁插入個木桶

不堂再觀察哲哲再玩同一件用具時的反應及玩法如何

決定的起心肝買埋門欄才回家 (唔想再浪費多一天專登去買)

睇過荷花同玩具反斗城

因為屋企門闊太窄

二選一之下唯有買玩具反斗城 24吋可兩面推木門欄 $549

(荷花有 $4xx不過是幼鐵, 為怕哲哲咬同狂撞個欄, 買實淨點較妥當)

 雖然蒙特梭利的理論不主張局限小朋友家居範圍, 不過廚房的格局不裝修的話很難安全, 好多次哲哲在我煲湯時伸手去玩開關制, 又試過爬上陽台的櫈, 嚇得我怕哲哲飛跌出街或洗衣機. 話雖如此, 我在場監察之下哲哲仍可自由進出廚房, 算是有限度之中的一點自由吧

回到樓下商場哲爸說反正都拎餐飽唔差在買埋吸塵機

(唔係掛, 我抱住廿磅重既哲哲, 哲爸又一袋二袋加個木門欄, 仲要加多個吸塵機, 你估唔重 ga?)

也好, 壞了吸塵機差不多一個星期

地上很多塵, 很髒

慣了隔日打掃的哲哲每天見到地上都 "咦咦"聲示意要吸塵至少兩三次

我也給他煩死了~

做了全職媽媽之後家裡的洗費支出大了很多

水費電費煤氣費, 連雜費也不少

不過想深一層也很正常

多了時間在家自然耗費較多

以往恃住很少長時間在家, 慳得就慳

也未太著重家居安全的配置

現在門欄都買了

下一步要替哲哲轉小童床 (不用擔心哲哲醒來入廚房爬窗搞煮食爐)

可能又要買床欄了 ($$$$$!)

為了 keep住哲哲能夠 sir滑梯轉轉轉之類

去不了戶外的就到室內的 playtown!

今日影相拍片機會近乎零

只因全場 90%以上都是哲哲最驚的玩意

起初哲哲在玩樂區驚到唔上唔落無路好走

我和哲爸花盡心思

左右門神咁一先一後用不同方法引哲哲才能一步步跟著我們

不止哲哲累, 我們也累得很

明明見到障礙是要用爬的

哲哲也強用腳走過去或企定定不知如何是好

似乎哲哲忘了爬或滾這個技能

(畢竟哲哲真正爬的時間太短了...)

 這個波波池引了好久哲哲才肯兩隻腳踏入去, 不過如圖, 一入去已經掩實心口叫驚驚趕著出來 =.=

 哲哲愛車, 不過只限於在外裡頭看, 要哲哲踏隻腳入還要坐低推動架車是天大的難事, 哲哲花了一小時才敢坐入去, 不過怎也不肯讓架車郁動, 只是做樣開門關門

 不知是不是到處盡是哲哲不喜歡的東西, 所以玩這個入樽都不見笑容, 倒是之後我們獨留哲哲一個人玩發射波波, 我和哲爸狂走籃狂入樽, 不知幾好玩~

 這個發射站哲哲玩了很久, 而且有進步就是啟動制只得一個, 但個個小朋友都想玩, 哲哲沒有和其他小朋友一齊搶, 這天竟然肯乖乖輪住來玩, 抵讚!

第二次再來

部份迷宮陣加添了新的難度

對一般小朋友來說一定會很好玩

對大人來說也是一個讓小鬼們消耗體力的好地方

(可惜哲哲樣樣都怕, 倒是消耗我和哲爸體力, 腰骨累死了)

地方大, 周圍都有軟墊不怕弄傷

有限範圍內又不怕走失

平日去兩大一小價錢是 $110

可以自由進出, 玩足全日

真是一個好地方

以後天氣唔好可以到這裡和哲哲進行特訓也沒問題了

都有看 政府教育局 的網頁去找最近自己家的學校

之前看過 can 的分享

雖然自己未如白雪做晒功課睇晒每間資料並去 interview

但心目中也有一些諗法

現記下看看明年申請 k1時自己的想法有沒有變 

1./ 盡可能近屋企. 對我來說小朋友還小, 學校地點太遠, 清早起床大人細路都會太倦太辛苦, 打風落雨又怕小朋友淋濕吹親著涼易生病, 就算唔打風落雨, 近住家有起急事都方便照應. 慳了搭校車的時間, 多點機會和小朋友邊傾計邊步行上學豈不更好? 雖然有些學校有校車接送, 但怕校車唔知請個咩人咩質素睇住, 二來一個褓姆睇咁多個小朋友邊睇得掂

2./ 師生比例越細越好. 極端一點個老師幾差幾唔細心都好, 班上學生人數少一點, 老師能有多點時間及機會發現每個小朋友的長短處. 政府要求不能多於 1:15, 在我而言最好是 1:8 (不過都幾難, 有既話都會學費貴或大排長龍!)

3./ 老師年紀要輕. 年資耐有教學經驗固然是好, 但教幼稚園學生我覺得心中要有一團火比有經驗更重要, 而且年輕老師精力充沛活力過人, 少用傳統古板教學, 望上去不會死氣沉沉, 和小朋友相處又易融入他們的小圈子

4./ 老師沒有很高學歷也不要緊 (符合幼教老師最低要求就可以了), 因為知識日後始終要靠自己去追求, 不是靠學校老師做家長硬塞比小朋友. 最重要老師有愛心有耐性, 能引起小朋友的求知慾, 多探索身邊的事物, 培養學習興趣繼而自發性學習 

5./ 謝絕過多抄寫功課唸書串字測驗. 要咁細個小朋友去做呢 d野即係家長代做, 大人細路一齊辛苦為咩? 教到咁勞氣不如將多餘習作時間用來計畫下星期六日去邊玩仲好啦~

6./ 活動空間要大而且環境要衛生安全, 否則坐得太迫, 肩並肩你撞我撞你, 毫不自然, 而且同學與同學之間有起病上來易互相傳染, 試問成日病怎有精神學習? 怎能愉快享受上學的樂趣?

7./ 活動教學. 好多家長問小朋友今日返學學左咩, 小朋友答唔出之餘又唔見有家課, 家長就會覺得學校老師唔知教左咩; 又或者睇住個日歷, 成日都收到通告話要去 xxx, 又去 xxx, 成日都唔洗返學在課室上堂, 會覺得唔知有無上堂學野, 好似比咁多學費好蝕咁. 依家學習模式不再局限於只在課室, 只聽只寫只看, 而是同時間用晒所有器官去學習, 所以我係絕對唔介意比左錢但少見哲哲返學上堂而成日有校外活動旅行參觀等等

8./ 有露天操場. 這一點其實我還有所保留, 雖然一所學校能有屬於自己的露天操場當然好吸引, 小朋友最需要陽光, 適當既濕度, 新鮮既空氣同足夠既活動空間. 不過如果將學費轉嫁於這個私家操場, 倒不如放學後我帶哲哲到公園遊樂場玩過夠來得經濟

諗就諗得好完美亦好清晰知道自己想要什麼

不過到時能否找到心水學校則是另一回事

能夠符合以上三至四點已經算是不錯

(針無兩頭利, 何況我咁多要求, 睇怕到時需有個取捨取個平衡)

聽到有家長負面地看"名校"這個字

我只想道出名校並不單單等於傳統死板教學又或者只有富家子弟才有機會入讀的名校

撇除學費貴的問題 

難道一間教育方針清晰, 校風純樸, 老師有愛心或主張活動教學等等的學校

做到有口碑, 學生教出來都是品格好, 不算是"名校"嗎?

不過如果一心想自己替小朋友投考有名的中小學

那麼選出名, 名牌幼稚園就可能變得重要

否則遞申請表時心儀學校也不曉得你原來那所學校是什麼來頭

就有點尷尬了

p.s. 教育局的網頁也有很多幼稚園的資訊值得一看:

幼稚園應做與不應做的事項

部份學校質素評核報告