香港新浪網 MySinaBlog
« 上一篇 | 下一篇 »
Maggie | 27th Sep 2014, 1:31 AM | 蝸居裝修 | (5052 Reads)

aug 19

短租約本來是aug 23交吉, 25號吉日搬, 但很明顯, 點催點迫, 神仙都變唔出間屋當天就可以入住. 未有地台床, 未有廳櫃, 未有浴屏沙發, 基本上仲係吉屋一間, 假天花未裝, 油都只係油左一層. 奶奶說唔想比多個月租錢, 叫我們邊住邊裝邊滅蟲, 又叫我們每日call爆師傅一定要趕工, 但真係唔想搬晒入去, 一屋都係雜物, 又有人住, d師傅點開工? 唔想師傅w趕頭趕命就粗製濫造, 享一時之快換來日後痛楚

所以, 唯有延期到下一個吉日, 師傅說多幾天時間一定趕得及, 那餘下幾天就讓傢私牆壁多吹幾天散散味, 我們時間鬆動點也好, 一於決定sep 1才搬 (唉, 即係又要比多四千蚊繼續住間爛屋, 呢幾日好熱, 開住個吹熱風既冷氣真係好辛苦, 電費又貴, 條氣超唔順!)

八月中的時候真係比較勞氣, 日日都要問實師傅w今日將會做d咩, 邊d邊d又幾時做. 好似睡房地台床同廳櫃, 每日都答唔實個送貨日期, 一時話過兩日, 過兩日後又話要過多兩日, 再問又話個廠未答實, 眼見時間一日一日咁過去, 真係好擔心延遲多一個星期都未必搞得掂

Picture

飯廳牆終於都油上色了, 第一眼望落真係好sharp, 興幸最後決定無油落沙發牆, 一入屋就見到咁大幅橙黃色既牆會有點刺眼, 現在油在飯廳牆, 感覺每次吃飯的時候都會很愉快開胃~

PicturePicture

房既牆身磚亦終於都鋪好了, 師傅好快手, 上午才來過, 中午再來已經鋪好了

Picture

鋪完望落都幾平, 齊返窗花個駁

Picture

雪櫃都送來了, 不過有dd危險, 咩都無包就咁放係度, 有咩整花損壞點算, 聽日叫師傅拿拿臨搵返d紙皮包包佢

PicturePicturePicture

浴室寶, 焗爐同抽油煙機都送來了, 咁廚櫃師傅就可以一次過裝好晒

Picture

裝櫃一日裝唔晒, 名家廚安排左師傅分開兩日砌, 第一日師傅都砌左一半

PicturePicturePicturePicture

望住d木條, 真係覺得d師傅好勁, 砌砌下就可以砌左個廚櫃出黎, 望落d 板都好企理, 無話黑呀爆呀咁

Picture

門鉸無花無假, 真係用blum

Picture

睇埋個廁所櫃, 都唔錯. 起初還擔心做廚櫃既做廁櫃會唔會做得無咁好, 好在出黎既效果唔錯

Picture

睇完廚櫃, 廁櫃想吊高, 方便用花灑沖洗清潔地下, 但怕個櫃太重, 於是叫師傅用淨落黎既磚做左個躉, 可以承托住個廁櫃. 不過名家廚好手尾得滯幫我地用板封邊, 搞到個樣有d樣衰, 下次叫佢黎拆返走先(上圖)

Picture

廁所個趟門大致裝好, 不過未裝門鎖

Picture

比我發現個門框爆左口! 咁快就揼爆左? 無陰公, 唔知係和x來貨時就已經爆定係師傅用釘固定時太大力揼爆左

PicturePicture

廚房假天花個位, 師傅w幫我地做好左個位, 但因為呎寸有少少出入(整組櫃移出左), 頂住左名家廚套廚櫃, 於是叫名家廚個師傅鋸走佢直至岩位為止, 話咁快第二晚師傅w已經叫師傅修補好了

Picture

房門鎖都裝好了, 雖然唔係太鐘意侸款, 不過裝左個樣望落都ok喇, 至緊要唔好咁尖, 安全嘛

今日全日都同哲爸出動去睇多次紅蘋果, 幸運地睇岩個夠大又深既衣櫃放哲間房, 一個大櫃塞晒衫同玩具唔洗煩, 即時訂埋盡快送; 另外都在實惠買埋上下架床, 電腦檯, 沙發同電視櫃, 全部都係現成, 越簡單唔洗訂造就越好

最後一樣野都買好晒, 間屋越來越成形, 仲有個幾星期就入伙了, 不過一日未油好牆, 未清場, 仍然覺得間屋好爛, 希望師傅w真係趕得切完工喇...