香港新浪網 MySinaBlog
« 上一篇 | 下一篇 »
Maggie | 18th Sep 2014, 11:55 PM | 就是朋友一起玩, 給哲瑜的話。六歲 | (451 Reads)

sep 7

今日好開心, 我們約左哲哲幼稚園最要好既同學僖僖到公園短聚. 本來打算暑假中的時候待家裡裝修好, 再邀請僖僖到家裡玩, 最後工程延期, 開學趕入伙, 哲哲不知幾心急話要盡快約見面

不見數月, 以為兩位小朋友一見面會攬頭攬頸, 點知又無bor, 兩個就好似以前返學咁, 走在一起, 就算不說話彼此也安心的各有各活動

Picture

今日適逢playright在公園設攤位遊戲, 雖然陽光好猛烈好曬, 但細佬同哲哲都玩得好開心

PicturePicturePicture

明明天文台話會落大雨, 點知就咁曬, 早知搽定防曬帶埋帽黎喇...

Picture

洗唔洗咁驚呀?! 有人抬不知幾好玩!

Picture

剛開學一星期, 屋企忙裝修又要忙適應小學新生活, 本來約同學仔去玩, 就係想哲哲暫時放鬆一下緊張的心情, 點知兩位小朋友玩左陣就坐到老遠傾心事, 仲唔比我地大人行埋去聽佢地既心底話

Picture

看他們的樣子多認真, 好像真的有好多煩惱, 以為傾一陣就會沒頭沒腦咁跑去玩, 點知一傾就大半個鐘

事後哲哲和我們說, 原來佢和僖僖係度傾緊小學點唔適應, 講下班上有邊d同學係麻煩友, 又講下將來想做d咩

這種感覺很奇妙, 別以為小朋友還這麼小, 原來他們也感受到上小學的壓力, 還會互相傾訴, 現實在催迫他們急速成長. 僖僖的媽媽說, 平時僖僖都無咩點講學校既野比佢知, 估唔到僖僖咁信任哲哲, 互訴心聲

Picture

短短三個鐘的相聚時間, 兩位小朋友談完心事豁然開朗, 最窩心的, 是僖僖媽媽問僖僖今日玩得開唔開心, 內斂溫文的僖僖答最開心就係同哲哲傾計, 難得有朋友既重視, 哲哲都很高興

對我來說, 我是真的真的很感激僖僖三年來對哲哲的照顧及包容, 這樣乖巧又善良的孩子, 也真的只有僖僖才能容忍哲哲, 給予扶持與鼓勵

道別的時候已經約定, 待家裡安定好後, 一定要約僖僖上來玩, 希望這段純真的友情可以永固長存