香港新浪網 MySinaBlog
« 上一篇 | 下一篇 »
Maggie | 16th Sep 2014, 10:40 PM | 給哲瑜的話。六歲, 我是。小一生 | (1122 Reads)

今年既九月一真係好難忘, 除左係哲哲升小一既大日子, 同時亦係我們搬家的吉日, 兩樣重要的事放在同一日, 分身不暇, 夠晒頻撲

開學兩星期, 頭幾日哲哲有點鬧情緒, 是緊張, 是不安, 是還未適應, 亦可能是我們這陣子都在忙趕執漏, 執屋pack箱入伙的事, 對哲哲內心的照顧未夠, 興幸現在家裡的事完工得七七八八, 哲哲的小一生活也漸見適應

Picture

以前自己開學最喜歡做的事, 就係在新書寫名寫班別同包新書. 不過對哲哲來說, 每本都要寫上自己的名字, 筆畫又多, 對他來說是件苦差, 哈哈, 不過我騙哲哲第日做boss的時候都係要每事簽名, 就當現在自己是boss批閱文件好了~

Picture

開學那天, 哲哲都很合作, 一早就起床, 不過明顯未訓醒, 搭lift的時候仲係好矇咁既樣XDDD

Picture

落到大堂, 才想起昨晚為哲哲準備好的開學利是, 怕自己唔記得, 第一時間比左先!

「咦? 媽咪, 唔係新年都有利是收既?」

「係呀, 呢d叫開學利是, 爸爸媽媽祝你第一日返小學順順利利, 係一個意頭同祝福黎」

Picture

(自以為)寫了一翻激勵既說話比哲哲, 哲哲看完會有所感動, 點知這個臭屁小孩說:「咦, 媽咪, 封利是軟架bor...唔知媽咪比左幾多零用錢我呢?」

(這個好恨有零用錢既小孩真係焦點錯晒...!)

「err...都話呢d唔係零用錢, 係利是...」

「等我估下先...十蚊? 二十蚊? 五十蚊?」

「唔知丫, 放學你自己拆黎睇丫」(唔想回答mode啟動)

「嘩!!!紅色架, 多謝媽咪比我零用錢!!!」(有人心急靜雞雞撕開偷睇)

(都話唔係零用錢囉...暈...)

Picture

點都好喇, 一分勤耘, 一分收穫, 即使成績平庸, 只要你學習態度認真, 有盡全力就行了

PicturePicture

這天搬屋, 爸爸請了假, 所以也一起送哲哲上學. 有別幼稚園, 家長只能送到校園, 著實入了校園的哲哲是帶著怎麼樣的心情呢? 很好奇很想看看啊~~

Picture

第一週放半日, 下星期開始哲哲在學校午膳了. 於是給哲哲特權, 這個星期的午餐可以由他決定, 把握想吃什麼就吃什麼的機會, 好好珍惜放學後和我, 細佬一起吃午飯的日子~

結果哲哲選了吃健康工房, 這家店子真係由哲哲bb時一直食到現在, 幾乎每星期都幫襯兩三次, 上了學的日子, 餐廳的姨姨都有為哲哲加油呢~

Picture

第二早, 暫住的短租屋中午要交吉了, 屋子空無一物, 哲哲坐在矮櫈發呆, 呢個樣都幾好笑XDDD

Picture

甘樣醒神好多!

第一日上課哲哲還好, 只是說有點悶, 也直說自己上堂遊雲, 悶到數下課室總共有幾多隻櫈腳=.= 我問點解要數櫈腳, 哲哲反問點解唔洗數? 自己既班房緊係要知晒所有野, 仲話聽日要知埋幾多盞燈tim! 我諗哲哲需要這樣來滿足他的安全感

「咁你上堂咁數會唔會比老師發現你遊雲無心機聽書架?」

「你放心啦, 我用隻眼去數, 無數出聲既」

「哦, 咁都好d, 係心數完知道左幾多盞燈後好專心聽書喇」

「你究竟有無聽我講野既? 我都話我係用眼數, 唔係用心數囉, 個心邊識數野架姐, 個心用黎跳架」

(是但喇, 眼數同心數咪一樣遊雲...)

Picture

第二天哲爸繼續休假執屋, 於是放低細佬在家訓, 我和哲哲拍拖送返學. 時間太早, 走了入商場嘆陣冷氣, 哲哲說可以在這裡玩陣車, 好似幼稚園咁, 上堂前玩陣會無咁悶開心d喎

Picture

這天放學和哲哲吃板x壽司, 這隻小鬼真係識享受, 好喇, 見無咩幾可可以兩母子拍拖吃飯, 今餐豪一豪佢~

Picture

第一次著運動服, 越看越像火柴人~

新鮮人有很多新鮮事要分享, 另開一篇好好紀錄吧~~