香港新浪網 MySinaBlog
« 上一篇 | 下一篇 »
Maggie | 8th Sep 2014, 1:12 AM | i'm learning to play!, 給哲瑜的話。六歲 | (591 Reads)

相隔一年, 哲哲捲土重來學游水啦!

實情是小學有游水課, 為怕哲哲唔識游水加埋手笨腳笨會跟唔上, 於是提早暑假來個warm up. 也許大個左無以前咁驚水, 加上有朋友仔一齊學, 今年哲哲比我感覺有自信左

兩年前中午時去學, 因為怕一早一晚d水還凍, 結果苦了我和幾個月大既細佬, 捱住曬咁企度等哲哲放學. 今次學夜晚, 雖然水會凍, 不過正好可以鍛鍊一下哲哲, 爸爸見哲哲有心學, 知道哲哲凍, 仲買左件保暖衣為哲哲加油呢~

Picture

有人學水覺得悶同倦, 相反有人就好恨去游水. 每次講到要學游水, 細佬都會喊住話「一齊去」, 無得游, 唯有「鐵窗邊緣」咁羨慕哥哥

PicturePicture

「one more...two more...」

PicturePicturePicture

以前哲哲係好驚將個頭浸落水, 依家已經可以揸住浮板/手袖, 邊向前踢水邊浸個頭落去吹波波, 最近一堂更嘗試完全不用輔助物, 向前踢水游幾下. 雖然哲哲話仲有d驚驚地游兩下就停, 不過都話有信心下次再試試

Picture

一星期學兩堂, 查實細佬都幾悶, 見有個新淨既足球場, 帶埋個波黎同細佬踢, 齊齊做運動!

Picture

有朋友仔一齊學又真係開心d, 朋友仔已經續左下一季的課程了, 哲哲卻說游水很倦, 暫時不想繼續游, 睇黎要同哲哲好好商量一下是否繼續學落去, 始終開左學無咁多時間精神, 一星期學一堂成效會點呢? 放棄的話好大機會要從頭再來, 又要諗冬天無暖水好食風既問題, 唉...

aug 9:

哲爸說游水是最基本既求生技能, 容不得哲哲想唔想學, 一定要學, 所以已經為哲哲續左堂, 不過堂數就一星期兩天改為一星期一天, 始終返學辛苦又多功課, 完全無運動無得減壓又唔得, 一星期兩堂又怕太辛苦, 暫時報左一期十堂, 睇下哲哲學成點先~