香港新浪網 MySinaBlog
« 上一篇 | 下一篇 »
Maggie | 16th Oct 2014, 12:45 AM | 蝸居裝修 | (17960 Reads)

aug 17 

之前同哲爸去過家合居同四方家居睇燈, 感覺大陸既燈係比香港平, 但質素真係無咩要求先得. 水晶燈既話, 近睇d水晶好膠好假, 而且又會花花地唔會咁晶瑩通透(始終係一分錢一分貨), 燈口唔平又斜, 如果買水晶or「參考款」就返大陸買抵d

深圳d鋪標出黎個價係好貴下,就咁聽你一定唔會買,但當你問佢地係咪實價時,佢就會講個平成差唔多六折既價錢比你,之後再講價佢地頂多再減多少少, 聽人講好抵好抵就聽得多, 但安全程度呢?

有朋友做裝修說, 雖然香港的燈都是大陸買, 但佢地會再加工, 良心既電工會做少少野加工, 換番d安全d既線, 大陸果d入面唔係純銅, 包住電線既膠唔係耐熱耐屈

諗落其實買完仲要自己抬返屋企, 上落火車又輪盡, 就算要買大陸貨, 應該會轉投淘寶/天貓

網上既評語都好壞參半, 就算身邊既朋友分享有些就毫無問題, 有些朋友就說用左陣好快有問題就要換, 買過盞新既其實同香港買又差唔遠, 不過價錢確實同香港真係差一截, 所以都值得試下淘寶, 唯有小心d盡量揀天貓人氣盛既店子(比淘寶有信譽保證), 花多少少時間去睇評語

上淘寶一轉, 猶如大海撈針, 雖然都知道自己大約想要咩風格, 但一時之間要在茫茫「淘」海之中搵到岩價錢, 岩心水, 岩呎寸仲要係好評, 真係唔容易

 

飯廳

先找飯廳燈, 因為由一開始已經知道自己喜歡「街市照雞蛋燈」, 顏色亦鎖定為白色, 不要光身, 要啞身帶點金屬感

Picture

年頭在ikea看到這盞白色燈已經覺得心水了, 只是36cm呎寸略大, 實際要買多少cm要入伙放了餐檯後再看個空間比例如何再確定

後來家裡的雪櫃及餐檯都買定了, 實地量一下, 決定買26-32cm內的直徑較適合. 在淘寶及天貓縮窄範圍下, 找到了好幾家款式相約的店子, 最平的竟然可以rmb49就有還包郵! 另一家天貓的比較有名多人買的則貴了一點, 要rmb 128

PicturePicture

最後找到這家, 賣出的數量多, 好評也不少, 28cm對米二長的餐檯來說剛剛好, 網內的描述及呎寸也很清晰. 我揀了白色配埋5w的led膽, rmb88包郵中位價絕對值得試試

米羅蘭旗艦店: http://miluolan.tmall.com/?spm=a220o.1000855.1997427721.d4918089.FksAeA

 

主人房

找到飯廳燈後, 就入手主人房燈了. 主人房總共需要兩支燈: 一支天花燈同一支壁燈, 雖然房間細細, 但需要壁燈是因為我夜晚經常在使用電腦, 開住天花燈會打擾到哲爸的睡眠質素, 所以一開始就決定要在床頭加一盞小壁燈

然而要找一盞適合的燈子不容易, 先是我們的房間細, 樓底八呎, 但加高了四呎地台床及到頂的衣櫃, 計上哲爸既身高, 以及考慮到換床單及反轉床褥時會頂到的情況下, 天花燈只能揀貼頂(即吸頂燈)同size很小的款式

Picture

我其實很喜歡水晶燈, 之前看過很多盞水晶燈放客廳都很華麗, 但因為樓底矮, 哲爸出入一定會頂頭, 所以只好放棄. 原先打算無論如何睡房都一定要滿足一下我裝水晶燈既慾望, 在旺角見過這盞水晶燈後, 竟然發現淘寶也有, 以$23xx和rmb99比, 淘寶平太多了, 見買家評語的實物圖也像真, 好評也多, 可惜房間細只能飲恨

PicturePicture

淘寶找了很久, 大部份的睡房吸頂燈真係醜到不行, 完全老土兼唔係自己鐘意既款式, 搵左好多晚少少心水都無, 要不款式岩呎過大. 最後找了這種教堂燈, 我都挺喜歡這些鄉村氣或波希米亞燈, 在客廳用好似唔岩風格, 反正睡房都無咩風格可言, 加上這個呎寸適合價錢也岩就買了

高18cm燈罩直徑20cm, 對別人來說這可能是玄關燈或戶外花園燈用, 但用在我們迷你的主人房就剛剛好, rmb88包郵, 還有好幾家同類款式的店子賣的燈都很漂亮很想買啊!

樂藝蒂凡尼燈飾: http://joyartlight.taobao.com/?spm=2013.1.1000126.2.n6rBjp&v=1

壁燈都一樣, 因為怕反床褥會頂到, 所以都係唔能夠太大盞, 即係水晶燈完全無望

PicturePicturePicturePicture

這次喜歡的選擇比較多, 三盞都好難揀, 最鐘意美人魚提子, 襯色靚, 清清地唔會太多藍藍綠綠(睡房用呢d色好似怪怪): 太陽花個底座唔鐘意咁花巧; 而美人魚果款我又唔鐘意見到個美人魚, 最後揀左蜻蜓, 隻色配搭幾舒服, 個底座又簡簡單單, 個燈罩可以裝向上向下都得, rmb69包郵, 好抵買!

祟美藝術燈飾批發: http://chongmeiyishu.taobao.com/?spm=2013.1.1000126.d21.WJSFyg&v=1

 

小童房

之前在家合居見過一些得意既飛機燈, 不過呎寸太大會頂住張上下架床, 淘寶小童燈大多是飛機大炮燈, 我想找簡單卻又不失童趣既燈, 找了很多家終於找到了!

Picture

好喜歡這個啊! 簡單可愛, 可吸頂可吊燈, 不會用一兩年太低b就要換燈. 價錢在淘寶來說算貴了, rmb199, 呎寸方面最小40cm, 呎寸不是最理想, 假如訂造30cm的話要rmb148 (另外彩色小馬都很可愛, 真的好想帶回家啊)

JGC家工場: http://jiagongchang.tmall.com/?spm=a220o.1000855.1997427721.d4918089.LqsaBZ

Picture

本來哲哲是很喜歡動物園燈的, 但當他看到ikea這個雲雲燈, 就決定一定要買這盞雲雲燈, 仲話「黃色既牆就好似太陽咁, 藍色既雲, 同白豆一齊訓係度就好似去左公園咁」咁到咁有主題咁有意境, 就算我幾想私心訂造動物園燈都唔敢令哲哲失望喇. 再者, 有現成貨, 呎寸岩岩好, 有壞包換, $199比起淘寶還要便宜, 又真係香港買好d既...

Picture

再來就是比哲爸話我多舊魚幫兩個仔裝壁燈. 訓上下架床, 如果有壁燈的話, 半夜睡不著, 怕黑, 想閱讀(特別細佬一向怕黑, 將來要自己一個訓下架床, 有盞小燈或許會好點)都可以亮盞小燈, 有得整緊係整埋盞燈, 唔用係一件事!

不過這裡有點小失誤, 當初預料自己是會買ikea那種星星月亮有獨立開關的燈, 所以師傅沒有在小童房多做一個電制, 現在因為下架床的床框太大, 如果裝ikea的星星燈會頂頭, 換床單也會撞到), 所以要將範圍縮窄小巧及有獨立開關的壁燈

Picture

搵極都無心水, 適逢又見ikea這款燈特價$59, 雖然樣子無特別, 不過亦唔算肉酸, 價錢比淘寶平, 還可以多角度調教光線方向, 又有獨立開關, 岩晒我地既要求

 

客廳

廳燈, 真心真係搵左好耐, 喜歡吊燈, 卻因為空間小樓底矮所以要放棄, 吸頂燈在淘寶來說, 真係睇唔岩心水, 睇左好多晚, 睇到邊個字眼邊個風格既search engine都睇晒, 但都無功而還, 果排真心覺得好氣餒

簡約, 時尚, 創意, 木材, 這些風格都看不中, 我預計客廳用木質傢俱, 顏色以earth tone為主, 幸運到, 誤打誤撞給我找到家用竹做的燈子, 有田園舒服自然既感覺

PicturePicture

看買家評價受實物圖, 就決定非它不買: 37cm不大不小, 大自然感覺, 燈內有四個膽而且底部透光, 倒影折射靚, 燈泡數量亦符合哲爸對風水要求, rmb319包郵, 還好吧

亞斐竹藝燈飾: http://shop108914998.taobao.com/?spm=2013.1.1000126.d21.zfE0pG&v=1

 

客廳盒仔燈

以前家裡只有一支光管, 常常覺得家裡很暗, 重新改造當然要由照明入手. 主廳會用客廳燈, 不過想全屋更明亮, 決定在沙發及電視機牆後加盒仔燈

石英燈長開會熱, 但有射燈效果, 營造氣氛及放擺設會有很好的效果; 我們只是想補補光, 偶爾晚上不想開主客廳看電影, 可以只開盒仔燈就夠, 所以選擇了led膽既盒仔燈

淘寶有盒仔燈(盒子燈), 大約rmb158雙頭不連燈膽, 款式有些可以調較角度, 如果在港另買燈膽, 計落條數同香港買唔係差好多, 所以索性在旺角買

這些盒仔燈有好多學問, 因為不同牌子配不同牌子w數燈膽之餘, 互相是不兼容的, 有些沒有角度調較

一開始在plc睇左一款餅仔燈, 光線較柔和, 但因為太柔和所以同無加既分別唔大; 後來去了好幾家店子, 發覺這類燈頭較能補光. 一開始是想買大廠osram, 不過發現燈腳不普及, 買左個盒仔, 他日想換osram以外既膽係不可能, 而osram既膽又只有在plc有售

Picture 

最後我們在旺角一家店子, 買了兩盞雙頭($480)和兩盞單頭($280)連6w led燈膽, 燈膽均可以360度調較角度. 燈膽方面有白光同黃光揀, 因為唔想屋企似醫院, 所以揀左黃光, 事實黃光唔係真係好黃, 只係比較柔和, 老闆仲好好人話如果用落全屋用黃燈真係太黃既話, 短時間內比我地回鋪換返白光

 

終於都搞掂晒d燈具, 唔知道實物如何呢? 經過今次淘寶燈具, 有少少分享想同大家講:

- 要同賣家問清楚, 盞燈係咪可以轉led燈? 個燈膽係咩頭? 香港難唔難買到黎換? 幾多w? 火數夠唔夠光猛? 賣家個價錢包唔包燈膽?

- 留意電壓, 買前問清楚裝修師傅識唔識, 肯唔肯幫你裝

- 燈的開關有d係獨立開關, 有d係裝在電制度, 事前要同師傅溝通清楚, 燈制預留足夠電線, 否則只能選購獨立開關的那種燈具

- 問清楚盞燈會點樣包裝運落黎, 會用木箱? 發泡膠? 紙箱? 入面會唔會用bubble紙包好? 還是用廢紙攝住?

- 一般集運貨物體積過了一定既大小, 就算你盞燈本來好輕好小, 集運亦會當長x閣x高/8000咁計你運費, 條數分分鐘好甘計, 可以既話問清楚買家包裝後呎寸同重量, 睇下邊家集運最抵. 以今次為例, 我沒有找集運, 用了一家物流公司, 以上燈運同其他傢具$300全包, 如果用平常用開既集運既話, 運費肯定唔止$300咁少

- 暫時感覺淘寶既燈有d真係一分錢一分貨, 同一款燈都可以相差幾十甚至過百元, 太平既真係要有心理準備貨不對版. 所以一定要參考用家既實評. 累積評價有實圖參考可以淘得更有信心

最後有幾篇文章想分享, 如果你還不清楚要買多大的燈具, 又或者是不知道燈與傢私之間的距離要多少, 可以看看以下的文章啊:

人體尺度vs室內空間

http://tonesidar.pixnet.net/blog/post/26582917-%E4%BA%BA%E9%AB%94%E5%B0%BA%E5%BA%A6vs%E5%AE%A4%E5%85%A7%E7%A9%BA%E9%96%93

點亮每個相聚的時刻 - 餐桌吊燈的選擇

http://solomo.xinmedia.com/archi/4946-LuxuryLife

如果可以重來之規劃篇 - 吊燈在空間的應有比例

http://tayouhome.pixnet.net/blog/post/24726166-%E5%A6%82%E6%9E%9C%E5%8F%AF%E4%BB%A5%E9%87%8D%E4%BE%86%E4%B9%8B%E8%A6%8F%E5%8A%83%E7%AF%87-26.%E9%A4%90%E5%BB%B3%E5%A4%A9%E8%8A%B1%E6%9D%BF%EF%BC%88%E5%85%BC%E8%AB%87


[4]

想問妳淘寶買的燈返來ok嗎?


[引用] | 作者 sally | 15th Apr 2015 10:29 AM | [舉報垃圾留言]

[3]

你好,無意中睇到你嘅文章,想問下你裝修師傅有無幫你裝埋燈,定要再俾裝燈費用?


[引用] | 作者 Renee | 3rd Jan 2015 11:43 PM | [舉報垃圾留言]

[2] 盒仔燈

我想問你在旺角邊度買盒仔燈?因為我都想買,唔知邊度買好,thx


[引用] | 作者 Bella | 9th Nov 2014 11:24 PM | [舉報垃圾留言]


我果間叫永高建築, 地點係旺角道6M地下, 個老板幾好人, 你可以去問問

[引用版主回覆] | 作者 Maggie | 26th Nov 2014 4:59 PM

[1]

樓主,好勁呀你。欣賞你將所有嘢記低嘅毅力!
請問到依家為止,師傅ok嗎?
會推薦嗎?


[引用] | 作者 SA | 23rd Oct 2014 1:20 PM | [舉報垃圾留言]


個師傅係ok既, 可能做慣晒我地果個屋苑, 口碑相傳, 唔憂做

[引用版主回覆] | 作者 Maggie | 25th Oct 2014 11:17 PM