香港新浪網 MySinaBlog
Maggie | 25th Sep 2014, 11:41 PM | 蝸居裝修 | (7923 Reads)

jul 20

今日再去名家廚落實設計圖, 順便揀埋料

Picture

設計上沒有大變動, 除左個暗桶稍為縮短一點(原因是想飯廳位再鬆動一點), 連帶廚櫃門在數字上再縮短多一點; 廚櫃底板縮高, 留待師傅w預裝兩支T5光管在兩側; 檯面如我所要求, 比一般標準高度稍為矮一點; 近洗衣機下排的櫃桶門鉸, 依名家廚建議轉了170度的門鉸, 原因是通道太窄, 90度開的門會擋住條路, 拎野都唔方便, 依家換個加大角度既鉸會方便d

因為我們是開放式廚房, 左手邊的位置會有部雪櫃, 所以加了個側板, 至於側水擋就無加到, 距離鋅盤都有一段距離, 應該唔會倒到水去果邊

 (閱讀全文)

Maggie | 23rd Sep 2014, 1:13 AM | 給哲瑜的話。六歲, 給初一的話。兩歲 | (543 Reads)

最後一個幼稚園雞的暑假, 很想每天都出去玩得高高興興, 暑假開始時有兩星期半天的小學適應課, 中途也要(帶住兩件)為新舊居頻頻撲撲做跑腿, 哪處都去不成, 臨近開學的時候又要執箱搬屋趕入伙同上模擬小學課程, 著實可以玩的時間不算多, 不過依然盡我能力帶住大細劉生四處玩, 希望哲哲和細佬都能感受到

Picture

暑假第一擊, 就係落商場去戲院睇早場! 幾乎每一年的暑假都有多啦A夢大電影上畫, 哲哲這樣喜歡, 當然要去睇, 呢日我地去睇德仔, 哲哲大個仔了, 睇戲時大部份都睇得明套戲講乜, 細佬比起上年也懂事很多, 睇動畫聽埋旁白都很理解, 一開始入去睇黑炆炆既「 大電視」係有d驚, 不過很快就好投入, 兩兄弟一路睇一路食零食, 不知幾爽!

 (閱讀全文)

Maggie | 19th Sep 2014, 1:19 PM | 蝸居裝修 | (22667 Reads)

jul 28 

揀門買門真係一件好頭痛既事

Picture

六月的時候, 和哲爸快看一圈, 已知揀門一事肯定難以選擇, 盡量抽時間和哲爸到旺角建材街一帶睇定有咩心水. 月頭的時候師傅w叫我地係時候訂定門, 準備裝房門同大門框, 不過睇左前後四五次都好難抉擇. 結果拖左師傅兩星期先落實到買邊道門

時間少, 只得假日可以出去睇料, 又要帶住兩隻馬餾, 睇多陣都叫悶, 一係在人地鋪頭搞搞震, 話得呢個時又要捉住另一個, 根本就睇唔到D咩野. 有次仲趕到襯哲學校綵排未放學前帶住細佬撲出去再趕返去接放學, 去到鋪頭睇唔夠半個鐘就要走人, 真係大汗疊細汗

款式方面, 哲爸喜歡大宅門那種古舊式, 雖然我都鐘意, 不過用在三百呎(不是三千呎耶)的家好像格格不入, 希望找到一些像新式住宅/apartment的款式

Picture

房門比較喜歡白, 奶奶卻不是太喜歡淺色/白色, 覺得小朋友容易撞花, 而且唔襟睇, 過幾年就會黃. 反反覆覆想了很久, 還是決定揀灰白色, 一來自己喜歡淺色, 二來大廳沒有陽光, 如果用白色既房門可以將空間擴大, 望上去也較明亮

 (閱讀全文)

Maggie | 18th Sep 2014, 11:55 PM | 就是朋友一起玩, 給哲瑜的話。六歲 | (452 Reads)

sep 7

今日好開心, 我們約左哲哲幼稚園最要好既同學僖僖到公園短聚. 本來打算暑假中的時候待家裡裝修好, 再邀請僖僖到家裡玩, 最後工程延期, 開學趕入伙, 哲哲不知幾心急話要盡快約見面

不見數月, 以為兩位小朋友一見面會攬頭攬頸, 點知又無bor, 兩個就好似以前返學咁, 走在一起, 就算不說話彼此也安心的各有各活動

Picture

 (閱讀全文)

Maggie | 16th Sep 2014, 10:40 PM | 給哲瑜的話。六歲, 我是。小一生 | (1125 Reads)

今年既九月一真係好難忘, 除左係哲哲升小一既大日子, 同時亦係我們搬家的吉日, 兩樣重要的事放在同一日, 分身不暇, 夠晒頻撲

開學兩星期, 頭幾日哲哲有點鬧情緒, 是緊張, 是不安, 是還未適應, 亦可能是我們這陣子都在忙趕執漏, 執屋pack箱入伙的事, 對哲哲內心的照顧未夠, 興幸現在家裡的事完工得七七八八, 哲哲的小一生活也漸見適應

Picture

以前自己開學最喜歡做的事, 就係在新書寫名寫班別同包新書. 不過對哲哲來說, 每本都要寫上自己的名字, 筆畫又多, 對他來說是件苦差, 哈哈, 不過我騙哲哲第日做boss的時候都係要每事簽名, 就當現在自己是boss批閱文件好了~

Picture

開學那天, 哲哲都很合作, 一早就起床, 不過明顯未訓醒, 搭lift的時候仲係好矇咁既樣XDDD

 (閱讀全文)

Maggie | 13th Sep 2014, 9:23 AM | 蝸居裝修 | (3909 Reads)

(終於有時間砌好張檯, 坐定定開電腦打篇blog. 家, 搬定了, 我們很幸運, 新居有驚無險完成度及滿意度值九十分, 只是還有點手尾未執完, 雜物也未完全安置好, 現在繼續龜速補文中~)

jul 27 (day 46)

踏入七月, 進度真係好慢好慢, 一方面覺得樓上單工程令師傅要調動人手上去, 另一方面都覺得師傅w放慢手腳, 由之前一日有兩三個人上黎, 到最近可能一個人, 更有時三日先有師傅黎tim, 可能同時接左其他工程掛, 總之我要八月交吉準時比到間屋我就由佢喇!

Picture

牆身開始批灰油底油, 個場仲係好爛好爛

 (閱讀全文)

Maggie | 8th Sep 2014, 1:12 AM | i'm learning to play!, 給哲瑜的話。六歲 | (591 Reads)

相隔一年, 哲哲捲土重來學游水啦!

實情是小學有游水課, 為怕哲哲唔識游水加埋手笨腳笨會跟唔上, 於是提早暑假來個warm up. 也許大個左無以前咁驚水, 加上有朋友仔一齊學, 今年哲哲比我感覺有自信左

兩年前中午時去學, 因為怕一早一晚d水還凍, 結果苦了我和幾個月大既細佬, 捱住曬咁企度等哲哲放學. 今次學夜晚, 雖然水會凍, 不過正好可以鍛鍊一下哲哲, 爸爸見哲哲有心學, 知道哲哲凍, 仲買左件保暖衣為哲哲加油呢~

Picture

有人學水覺得悶同倦, 相反有人就好恨去游水. 每次講到要學游水, 細佬都會喊住話「一齊去」, 無得游, 唯有「鐵窗邊緣」咁羨慕哥哥

 (閱讀全文)

Maggie | 26th Aug 2014, 11:18 PM | 大城小事 | (4855 Reads)

以前經過沙田火車站, 知道大堂入口有部雨傘自動售賣機, 不過一直都沒有很留意, 只是覺得咁搞笑連傘都有得自動販賣

暑假某一天和朋友到沙田閒遊, 天氣突然轉差, 手上又沒有雨具, 怕一陣下大雨的時候無遮會很狼狽, 於是就幫襯左ula自動售賣機

Picture

聞說每一部售賣機賣既遮都唔同色, 如果想要心水既顏色要到唔同既港鐵/火車站碰碰運氣, 因為熱門既顏色很快會賣光啊!  

 (閱讀全文)

Maggie | 25th Aug 2014, 11:06 PM | 給哲瑜的話。六歲, 我是。小一生 | (2609 Reads)

仲有一個星期哲哲就係正式既小一生, 聽日亦開始模擬半天既上學情況. 由幼稚園升小學無論上課時間, 學習模式, 課程及要開學準備的東西都完全不同, 深怕自己買漏東西, 網上隨處看看就找到「開學三十七件事」的購物清單, 聽落好似好誇張, 不過對我們這些「新鮮人」來說, 絕對有個參考價值~

Picture

未來六年都會在這所學校學習上課, 這年報了學校舉辦為期兩星期的小一預備班. 每天都會有不同的課上(科學實驗, 小食試做, 中文英文數學, 人際關係, 美術及普通話等科別), 也會有兩個小息, 正好可以讓哲哲熟習這所學校及模擬小一生的課程上的轉變

 (閱讀全文)

Maggie | 24th Aug 2014, 11:34 PM | 蝸居裝修 | (10614 Reads)

(睇返轉頭, 踏入七月成個工程停滯晒, 果排每日都在忙同嬲緊樓上漏水件事, 完全無時間同精神跟進舊屋裝修事宜, 真係多得樓上唔少emotion)  

jul 24

呢段時間間屋都無咩野睇, 依然係爛屋一間, 可幸的是樓上終於答應開門比我地師傅入去重鋪浴室地台, 下星期開始師傅要調動人手上去, 又要拖多個幾星期零進度了, 唉...

Picture

間屋無進展, 唯有update一下早個星期同師傅出旺角買料既情況

 (閱讀全文)

Previous Next