父親節這天我們去了 南蓮園池

這幾天天氣認真麻麻

幸好今早很早下了場雨

中午的時候可以順利出發

 雨後陽光猛烈, 剛到達和哲哲在門口草地走了數圈已經有點吃不消

 沿途一花一草一樹一木, 即使是個垃圾桶也莊重優雅過人, 所有細節都恰如其分, 隨處一站都可以拍張好照

 在這條長長的走廊, 哲哲來回跑了很多轉, 為的是和哲爸玩躲躲貓~

 哲哲和我們一樣走到身水身汗, 水濂瀑布後就是有名的志蓮素齋, 決定先醫醫肚補充體力

 齋菜午市每位最低消費 $85, 其實齋菜館本身已有一個 $85 set lunch. 雖然份量略細, 價錢有點貴, 但志蓮淨苑內外沒有收入場費, 齋菜館也沒有收茶錢加一 (而且館內冷氣很夠, 在炎熱外頭過陣冷河好暢快!), 拉上補下維持整個莊園的經費也是很值得. 順帶一提, 這裡的齋菜不像外頭很油味很重, 反之清淡得來感覺很天然, 而且不油膩, 哲哲仲食到話:好味喲~ 幸運的話, 被安排近水濂洞的一邊能近距離看到壯觀的瀑布水車屋呢~

吃飽飽後再次上路

哲哲慣常玩夠食飽就想睡

都好

反正我們有下場

於是四處觀看多陣就轉到鑽石山廣場

比哲哲在舒適的冷氣下快快找周公去~

來到最後一堂

今堂的內容是感官與動作

• 音樂對小朋友來說好的, 但好的音樂應該是由人去彈奏, 而不是純播放音樂, 長期播放音樂的話, 小朋友日後可能會唔慣沒有音樂的日子; 另外, 音樂治療是眾多心靈治療最見效的一種, 假若小朋友聽純了音樂, 對音樂沒有反應, 將來發生問題就不能用音樂治療了
• 小朋友需要怎麼樣的感官? 聽: 人與人的對話, 大自然的聲音, 而不是連續不斷的音樂, 噪音 (何謂噪音? 不想聽的就是噪音, 即使是好的音樂但小朋友不想聽也算是噪音)
• 嗅: 清新, 自然的味道, 而不是強烈的味道
• 觸: 輕柔, 多面, 整體與部份, 而不是粗暴的動作
• 味: 自然, 清淡, 而不是各種添加的味道
• 視: 清簡, 真實, 自我可以選擇, 而不是定點注視 (電視, 閃卡, 吊床風搖, 夜燈)
• 如何令小朋友有音樂的節奏感? 初生的 bb可以輕拍他們的大脾 (但家長的節拍感一定要好, 免得打亂小朋友); 大一點但未識行的, 可以用手扶著小朋友腋下, 將他們的腳掌跟貼大人的腳背隨音樂節拍而跳
• 中西音樂當中, 以中樂 (特別是獨奏)較適合小朋友聽, 中樂比西樂較 raw, 不過聽西樂的話也可以聽海頓或巴哈時期的音樂
• 兩歲前眼球的保護對小朋友很重要, 在家安放電視要注意電視的對角位 x 6 = 最適合小朋友的眼球, 較為健康
• 物件既第一印象對小朋友來說很重要, 所以要 present得好, 就一定要比真實既 concept佢, 例如千萬不要將魚吊在天花板, 這舉會令小朋友誤以為魚是在天上飛
• 0-3歲的小朋友宜看不同的顏色, 而不只限於簡單的三原色, 所謂多種不同的顏色是要天然的, 而不是人為調教出來的顏色, 在花園就可看到不同而又天然的顏色了
• 假若發覺小朋友分辦不出顏色, 就要重回三原色去教
• 一般來說, 男仔到 5-6歲才懂得分享的概念, 女仔則較早, 2-3歲就開始會分享了 (在這裡是指小朋友之前從來未被人迫過要與人分享) 
• terrible two. 如果小朋友經常說不, 回應他們方面不要讓他們有機會說不, 應用選擇性的提問代替 yes or no的問題. 例如問佢地想食飯先定飲湯先? 而不是問飲唔飲湯? 想唔想食飯?
• 小朋友推人問題, 歸根於口肌可能未成熟, 所以就以行動來代替了 "唔該借借"呢個動作
• 做家長對小朋友最理想的態度是 kind and firm
• 想制止小朋友做一些你不想的事, 要簡單而明確說出你的意思: 我想你停, 而不是說: 唔好, no之類
• 做任何事之前盡量和小朋友略略講講你將會做什麼
• 和小朋友制定一些規則, 例如他們可選擇食飯先還是沖涼先, 時間內容要穩定一致, 就算可能有突發事件, 盡可能頭兩三個月確切如常執行
• 小朋友有爭執時, 不要先安慰受害者, 否則他們會認為自己是弱者, 以為喊就可以解決問題, 最理想要先教侵略者安慰受害者

這一堂完後 QNA時比較混亂

沒有機會問回 上次 的問題

不過問了另一個也是頗嚴重的問題: 哲哲打人, 特別是針對性打我的問題

邱振明說我的做法是正確的

(我的做法是先教哲哲摸人是輕輕力, 而不是大大力, 假如依舊打落去, 就表明自己的不滿, 嚴正地和哲哲說出我的感受或行使氣氛反常)

不過, 邱振明說哲哲沒有理會我

估計是因為我的樣子及態度實在不夠惡及堅定

又或者盡量避免和哲哲近距離, 不給任何機會哲哲打人

有媽媽分享她自己的經歷: 可以在小朋友面前喊

比佢地知道我地好唔開心, 好痛, 好似佢地一樣咁

唔開心就會喊

或者...哲哲再打我的話

我真的要再堅定, 再肉緊一點才行

遊完山頂

其實時間還很早

乘巴士到奶奶家落腳

總好過我們抱住哲哲沒地方好去

哲哲小休 45分鐘, 叉足電

見時間尚早於是步行到香港公園

 上次 到香港公園時原是參加 anson一歲生日 party, 那時哲哲好奇望住這個噴水池但我們不想哲哲冷親, 所以沒有走近. 現在天氣炎熱, 哲爸抱哲哲衝入水池內, 哲哲不知多開心!

 每次去公園都會叫哲哲看看不同顏色類型的花, 今次終於不用自己開聲, 哲哲主動走近花叢細看

 哲爸和哲哲在看什麼看得入神?

 原來有對烏龜慢慢游向同一方向爭吃雞蛋花呀~

 走到羅馬廣場小休一會, 有兩位叔叔正在切磋武藝, 哲哲搞笑地走埋去望住人地仲不停加把嘴比意見. 哲哲, 咪阻住叔叔啦, 背心果位叔叔 o晒嘴囉

 之前在千色店買了一支好平, 外型好靚既吹波波 ($3.5咋!), 今早去山頂都無機會開封, 依家點都吹返陣比哲哲追下波波先!

玩到咁上下

還打算快遊動植物公園

不過開始入夜

很多免費場館都關了

走上少少有個小型兒童遊樂場

玩了數十分鐘哲爸哲哲餵蚊餵得好激烈 (好在馬鞍山公園又大又乾淨)

於是, 早少少回奶奶家吃 big dinner囉

這天和哲爸請了假和哲哲遊山頂

朝早起床見天陰落雨

原以為計畫好的行程要取消

不過稍後時間見雨過天晴

決意搏一搏照出門

乘車到中環時收到奶奶電話說灣仔下雨下得好兇

暗自失望場雨落完新界到港島區

幸好落車的時候雨停了

於是繼續往山頂之路進發! 

 雖然地面濕濕, 不過總算停雨才得以乘纜車往山頂

 買好飛, 夠鐘入閘啦. 平常上車我都會給哲哲八達通幫我 do, 今次將車飛交給哲哲, 哲哲以為 do八達通, 不知道原來是要攝飛入閘呢~

 上山頂的纜車宜坐右邊, 因為大部份風景都在右手邊, 坐左邊的話就只能看石屎石壁. 不過哲哲好像分不出坐纜車和坐巴士的分別, 照常的有風景看, 看他樣子好像不知道我們正於傾斜的角度慢慢而上

 數分鐘已經到達山頂了! 第一站是山頂廣場市集, 賣的和赤柱那些差不多, 不過這裡嚴禁拍照. 哲哲看到很多民間傳統的舞獅特別感興趣, 來回很多次都要往那間店看看才心息

 閒逛了一陣就去醫肚, 要找一間哲哲可以吃, 又要坐得舒服的, 看了很多間, 最後意屬這裡 - oliver's super sandwiches. 新開張, 格居很 cozy, 一見大大張沙發就非它莫屬

 我叫了一客 combo breakfast, 價值 $88包一杯 illy coffee 同一支 fresh juice, 哲爸就叫了$48 oven baked panini + $33 焗薯, 豐富到暈!

 其實個皇帝式早餐真係貴到不值, 食牛仔腸茄汁豆幾片磨菇幾舊焗薯都要咁既價錢, 不過見樣樣哲哲都食得, 仲食得咁開心仲拍晒手, 當一份餐兩份食, 自我安慰咁啦~

 食飽之後上了凌霄閣摩天台看遠景, 不過個望遠鏡咁模, 咩都睇唔到既...

 路經廣場覺得這條長廓的 deco好有型, 最喜歡黑白吹波波這張相, 甚少開口叫哲爸幫我影單獨照既我, 今次真係要影低佢

 出事現場! 話說哲哲見到這架舊纜車很喜歡, 一支箭衝了上去在車廂來回不停地跑, 叫極都唔停, 強行抱走他又自個兒上返架纜車度繼續跑. 食飽飽, 飯氣攻心之下哲哲發眼訓瘟, 結果腳步跟不上就跌到了, 額頭 (又係右邊)撞到櫈既圓角, 結果...在山頂又起多左棟樓, 喊過不停

 見到哲哲正在甩開我的手嗎? 因為哲哲仲未知驚, 剛剛起左個樓仲想跑返去出事現場度繼續跑, 天呀~

走出山頂廣場

旁邊有條小徑, 有個涼亭能夠看到香港既全景

不過抱起哲哲時怕哲哲突然掙脫飛佢落街

所以都係象徵式看了一陣就走了

原先的計畫是步行到山頂公園

不過剛落完雨

地面濕濕而且山路多蚊滋

走了一會兒隻腳好痕有點紅 (明顯地有野咬我)

又見哲哲眼訓

於是決定提早回程

(此程第二想和哲哲做的就是這個郊野行, 可是泡湯了...嗚嗚)

一抱起哲哲

數分鐘哲哲就在我膀上, 睡了

喜歡吃雞翼的我

平時煮雞翼一定煮至少半打給自己享用

昨夜煮雞翼時特別蒸了一份雞翼比哲哲吃 

 哲哲雖然為食, 但從來都不太喜歡吃硬的東西, 大部份時候都是咀嚼到得返舊渣就不肯吞下去而吐出來. 為了訓練哲哲吃硬, 識 "選"骨, 第一次給哲哲吃原隻雞翼. 起初哲哲不是太懂得吃, "選"幾啖就放棄了, 後來我們示範了一次之後, 又教哲哲自己動手, 得到甜頭之後就開始懂得吃骨側旁的肉肉, 最開心莫過於見到哲哲肯扯肉吃, 是今晚的最大驚喜 

終於知道為什麼哲哲會打人了

事緣上完 30小時家長班的第一堂

突然想到哲哲可能受身邊的人影響

看到經常的動作才會有樣學樣

既然我和哲爸都沒有這樣做

餘下的一定是徐太了

早兩天婉轉地問了徐太平時哲哲有沒有打人

有的話她如何應付

一如我所料

當哲哲唔聽話時徐太就會不停作狀要打打打的姿勢

所以當哲哲唔滿意時 (特別我地話唔準/曳曳)就會不停揮手打人

徐太仲要補多句

如果哲哲仲唔停落黎就會話唔要佢

怪唔得之啦...

壞習慣每天不停做都有半年了

所以哲哲打人的問題隨著脾氣越來越大時, 越見嚴重

要學壞, 三十秒一定壞到

但要學規矩或改正問題, 可能要花數倍時間才行

看來要糾正哲哲問題之前

先要教好徐太的湊仔方式

某日

給惠氏花花齒輪玩具板給哲哲攪動

哲哲就督隻手指仔入個洞洞

個樣仲好巴閉 tim

見哲哲喜歡督於是給他一隻筷子去督

 見到哲哲個表情咁肉緊, 真係好想出手幫佢, 不過最後佢自己都能將筷子粗同幼的一端穿入洞洞, 之後仲一次過穿好幾個花花, 咁投入, 沒有出手干擾是明智之舉

今堂主要集中講語言藝術

daisy講左半日

講東講西, 上堂好似聽左好多野

但返到屋企望下疊 notes又好似講既不是今堂主要的課題

咁高深既, 好似武俠小說所講: 看似無招實則有

越思考就越多問題唔明白想了解... 

• 要產生語言就先要製造談話氣氛, 小朋友說話時不要執著於他們的咬字正唔正確
• 和小朋友說話要簡而清 (勿超過7個字), 要慢, 口型可誇張一點
• 小朋友不願開口講, 可能因為家中的談話環境氣氛不好所以不想講; 相反, 太多話的小朋友可能因為吸收到身邊人講野又快又急而照辦煮碗
• 15-16個月既小朋友已經大致明白日常身邊人講緊咩, 已經能夠理解語氣, 所以盡量不要在小朋友面前吵架
• 如果小朋友口腔太軟, 會令他們無力開口說話, 但可以用飲管啜 (又或者埋身餵母乳, 小朋友需要用力啜, 所以比用奶樽吃奶好)去鍛鍊口肌 
• 除了啜飲管, 也可以吹羽毛, 吹波波, 吹皺紙, 既可訓練口肌, 又可訓練手眼協調
• 小朋友邊玩扮演遊戲邊說話 = 私語期 (例如邊玩煮飯仔時小朋友一人分飾多角邊說:依家我分飯啦, 一碗分比你, 呢一碗又分比你). 私語期會可能會持續幾年, 但不用阻止, 因為小朋友係自我精練緊語言
• 小朋友最怕不是比人鬧, 而是氣氛反常/改變. 如果話極個小朋友都唔聽, 可以試試保持沉默, 讓小朋友先停下來, 之後他們會望住你, 再走近你, 呢個時候其實佢已經 get到發生咩事點解會咁, 家長可以襯呢個時候解釋比小朋友知佢地做錯左, 但說話要簡而清
• 舌發言, 食奶嘴會壓扁舌頭不夠彈跳力, 可以食波板糖, suck呢個動作可以改善舌頭既靈活性
• 當小朋友講外星話時, 家長可以覆講一次你認為佢想講既野, 借以教佢一句句子係點講
• 小朋友說了錯誤的句子, 不必即時指責他們說錯了, 家長可用正確的說法說一次, 不必重覆他們錯的句子, 以免又再加深他們對錯的句子既記憶
• 和小朋友說疊字沒問題, 如狗狗, 車車等等是沒問題的, 他們長大後會慢慢不再講兒語, 但不要用 wow wow = 狗, bu bu = 車
• 為什麼小朋友不見父母時會喊得很厲害? 因為他們以為不見了就是一世都不見, 所以玩 bu喳可以教導他們 "眼睛不見但物件依然存在"這個道理
• 小朋友天生懂得一步步去測試危險 (即係佢地其實都知危險, 怕死的), 所以不必時刻阻止, 只需要 standby, 有必要才出手阻止
• 小朋友識讀字不等於理解那個字的意思, 一般要到 6歲才真正懂得該字的意思

(暫時想到這些, 想到再更新)

今堂 case study比較多

也有示範如何教小朋友幫手做不同的家務

不過沒有我所期待的內容

一般家長問的, 對 daisy來說沒有難度

反而我有兩個問題: 

一是為什麼哲哲越大越愛打人? 

稍一不滿意話兩句就打人, 越叫越打

第二是追溯返一歲去健康院時

我以為哲哲完全做不到姑娘的要求

但徐太回應所有哲哲都有做到

一直以來都不見哲哲在家中有做過

是徐太講大話, 還是哲哲真的只在徐太家做而不會做給我們看呢? 為什麼?

邱振明說可能哲哲日間做夠了

所以晚上不想做

不過也有可能是其他情況

叫我觀察多一星期

下堂再提出這個值得討論的 case

往年一到六月妹妹就大出血

因為有媽媽, 我同哲爸生日

加埋父親節要食幾次飯送幾次禮就會流血不止

不過以後有哲哲陪囉, 呵呵

今年哲爸獅子信用咭收到生日優惠

在翠園食滿$1,000正價就減$500

見咁抵就緊係要 book檯

事前哲爸實地考察過環境 ok

仲用相機影晒成本 menu計定銀碼

打算食鮑魚食翅食燕窩慰勞一下外父外母大人~

點知今日去到收起晒平日既menu

只係得返d 父親節套餐

張 coupon又唔用得, 個餐又唔係咁抵食啱食

得返一張有限度既散餐 menu

好少選擇, 而且都幾貴

最後我地叫左:

老火湯 - 味道幾濃郁, 一向鐘意飲湯湯既哲哲當然搶住飲

花膠瑤柱浸時蔬 - 時蔬係西洋菜, 個菜都幾鮮甜, 瑤柱同花膠絲份量都不算少

一品蒜花雞 - 其實即係炸子雞, 但個皮好脆, 雞肉就好滑好嫩, 意想不到的好味

茄子斑腩煲 - 呢個是父親大人點的, 我覺得無甚特別, 價錢咁貴但咁既貨色有點平凡

蒸老虎斑 - 條魚都蒸得好滑, 唔錯, 哲哲都唔執輸係咁食 d魚肉

蒸蒜茸開邊太子蚌 - 相對斑腩煲, 價錢同質素成正本, 蚌又脹又爽口彈牙, 真係好鮮甜好好味

翠玉瓜牛肋條 - 呢個都係好普通, 原以為個牛是一些有牛味既牛, 點知無咩肉味...個汁都麻麻

之前還擔心份量細叫多幾個中等價既菜先夠飽

誰知食到大半都開始飽飽地

飯後甜品就由妹妹請飲許留山

真係 n年無飲過啦...(一杯咁鬼貴真係唔捨得飲)

見哲哲今日幾乖無扭計

又有訓午覺精神不錯

於是提議到海傍行星光大道散下步

今晚真係好盡興

平日各有各忙

問心真的甚少主動關心父母親大人

希望爸媽身體健康

一家人可以經常齊齊整整咁一齊食餐飯傾下計就好啦

 又一張哲哲女人仔相 + 少林足球阿梅造型既姨姨, 究竟姨姨既 fashion sense係比現代人行快左十年還是行慢左十年呢? 嘩卡卡卡!!!

 食到中途哲哲無神神鬧情緒, dup低頭叫極引佢食野都唔肯望上黎, 呢條片之前個樣真係可愛到暈~

今早帶哲哲去公園玩順道還書

用自己張圖書證每次借得六本實在唔夠喉

於是的起心肝幫哲哲申請張圖書證

等佢自己都可以借 d兒童繪本睇下

唔洗用埋我既 quota

(其實係方便我用哲哲張證借多幾本先真, 呵呵)

去公園多了

哲哲開始會玩下其他野如 sir滑梯, 爬繩網

雖然都仲係亂咁跑多又鐘意搶人架 bb車黎玩仲追人九條街

(某程度上都幾佩服哲哲鍥而不捨既精神, 咁細粒追到咁遠咁倦...都真係幾堅持)

但見哲哲不再是一去到就成場亂跑而是肯掂下遊戲設施已經是很大的進步了

 最近看過一本書, 說小朋友其實很早就已經表現出他的長處及潛能於日常生活中, 例如有小朋友對顏色特別敏感, 他/她可能對藝術方面比較敏感, 長大後易於在藝術方面取得成就. 哲哲一向都對機件有興趣, 喜歡玩滾輪之類, 像今次推氹氹轉時會蹲低看底部, 又或者搖木馬時喜歡搞個螺絲多於騎上去, 會不會哲哲長大以後是一個機械工程師呢?